بېسىم تۇيغۇسى كۈچلۈكلەرنىڭ قان بېسىمى ئاسان ئۆرلەيدۇ

مۇھەممەتتۇرسۇن زۇنۇن

مىزاجدىكى پەرقلەر سەۋەبلىك كىشىلەر ئوخشاش بېسىمغا دۇچ كەلگەندە كۆپۈنچە سەپرا، سەۋدا تېپىدىكى قۇرۇق (سەزگۈر) مىزاجلىقلار روھىي جەھەتتە ناھايىتى چوڭ تەسىرگە ئۇچرايدۇ، لىكىن بەلغەم، قان تېپىدىكى ھۆل (بىغەم) مىزاجلىقلار بولسا ھېچقانچە بېسىم ھېس قىلىپ كەتمەيدۇ. بېسىم تۇيۇلۇش ياكى تۇيۇلماسلىقى ۋە قانچىلىك ئېغىر بېسىم بولۇش ئادەمگە قاراپ پەرقلىق بولىدۇ. بېسىم قان بېسىمغا تەسىر كۆرسىتىدىغانلىقتىن، ئاسان بېسىم تۇيغۇسى پەيدا بولىدىغان سەپرا، سەۋدا تېپىدىكى قۇرۇق مىزاجلىقلارنىڭ قان بېسىمى ئاسان ئۆرلەيدۇ.

sepra

ئاسان بېسىم تۇيغۇسى پەيدا بولىدىغان ئادەم مىجەز جەھەتتە بەزى ئالاھىدىلىكلەرگە ئىگە بولۇپ سەۋدا تېپىدىكىلەر ئاساسلىقى سەزگۈر، ئىشلارنى بەك چۇڭقۇر ئويلايدىغان، ئەستايدىل، ئۇيقۇسى ئاز، ئاسان تىت-تىت بولىدىغان، ئاسان تەشۋىشلىنىدىغان، ئىچىدىكىنى باشقىلار بىلەن ئورتاقلاشمايدىغان ئىچ مىجەز كىلىدۇ. سەپرا تېپىدىكىلەر ئىنكاسىنىڭ تېزلىكى زىيادە، غورۇر تۇيغۇسى كۈچلۈك، ئاسان ئاچچىقلىنىدىغان ، مەسئۇلىيەتچان ، رىقابەت تۇيغۇسى كۈچلۈك دېگەندەك سۈپەتلەرگە ئىگە. مەيلى سەپرا ياكى سەۋدا تېپىدىكىلەر بولسۇن ھەر ئىككىلىسىنىڭ ئورتاق تەرىپى ئاسان بېسىم تۇيغۇسى پەيدا بولىدىغانلاردۇر. بۇنىڭ ئەكسىچە ھۆل (بىغەم) مىزاجلىقلار بىپەرۋا، «ئاسمان ئۆرىلىپ كەتسە ئاستىدا مانتا يەيدىغان» دەرىجىدە بىغەم بولىدىغان بولغاچقا بېسىم تۇيغۇسى خىلىلا تۆۋەن. شۇڭا تېببى ساھەدىكىلەر، پىسخولوگلارنىڭ قارىشىچە سەزگۈر تىپتىكىلەرنىڭ بىغەم تىپتىكىلەرگە قارىغاندا ئۇزاق ۋاقىت قان بېسىم ئۆرلەپ كېتىش سەۋەبلىك تاجىسىمان ئارتېريەلىك يۈرەك كېسىلى ۋە يۈرەك مۇسكۇل تىقىلمىسى، مېڭە قان تومۇر كېسەللىكى، مېڭىگە قان چۈشۈش قاتارلىق كېسەللىكلەرگە گېرىپتار بولۇش نىسبىتى يۇقۇرى بولىدىكەن.
ئۆزىنى سەزگۈر تېپتىكى قۇرۇق مىزاجغا تەۋە دەپ قارايدىغان كىشىلەر روھىي كەيپىياتىنى تەڭشەش ئارقىلىق بېسىم تۇيغۇسىنى يەڭگىللىتىشى، زىيادە جىددىيچىلىك، چارچىتىدىغان خىزمەت قىلىدىغانلار ئۆزىگە كۆپرەك ۋاقىت ئاجرىتىپ ئۆزىنى يەڭگىل، ئازادە تۇتۇپ بىغەمرەك بولىۋالغىنى تۈزۈك. قەھۋە، قېنىق چايمۇ تەشۋىشلىنىش پەيدا قىلىدىغانلىقى ئۈچۈن بۇ خىل مىزاجدىكىلەرگە بەك يىقىپ كەتمەيدۇ. ئەگەر قان بېسىم ئۆرلىۋالغان ئەھۋاللار بولسا بۇلارنى ئىچمىگەن تۈزۈك.


  • ئالدىنقى يازما:
  • كېيىنكى يازما:

  • باھا يوللاش كۆزنىكى

    icon_wink.gif icon_neutral.gif icon_mad.gif icon_twisted.gif icon_smile.gif icon_eek.gif icon_sad.gif icon_rolleyes.gif icon_razz.gif icon_redface.gif icon_surprised.gif icon_mrgreen.gif icon_lol.gif icon_idea.gif icon_biggrin.gif icon_evil.gif icon_cry.gif icon_cool.gif icon_arrow.gif icon_confused.gif icon_question.gif icon_exclaim.gif 

    ئۈندىدارغا ھەمبەھرىلەڭ

    ئاۋات تېمىلار

    • ئالاقىلاشقۇچى: مۇھەممەد تۇرسۇن (باش ئۇستام)
    • ئادرېسىمىز: قەشقەر شەھىرى ھېيتگاھ كاتتا بازىرى 7-رايون A بۆلەك 018-نومۇر
    • تېلېفون: 2820877-0998 | 13565662787
    • بانكا ھېسابات نومۇرلىرى: بۇ يەردىن كۆرۈڭ...